主页 > J宅生活 >潮平追卡通潮物 童真未泯! >

潮平追卡通潮物 童真未泯!

2020-07-22 J宅生活 785 ℃
正文

时装夹卡通人物从来都係潮流界嘅吸金元素,尤其係一啲美国经典卡通人物,如米奇老鼠、史努比就一定冇死。但讲玩到最出神入化的,就一定係美国设计师Jeremy Scott,当年佢重喺JOYRICH嘅时候,其设计已经够Eye-catching。而最近UNIQLO同KAWS所推出的第二弹就同史努比联名,平到喊畀你班Fastfashion拥趸抢下,撞衫撞到唔敢着,不过其实想买平平哋嘅潮衫,都重有好多选择。

芬兰童趣 b+ab×MOOMIN

除咗米奇老鼠、史努比之外,肥嘟嘟嘅姆明都係一众品牌争相合作嘅对象,去年就同潮鞋Jipi Japa 合作,而最近就轮到i.t旗下嘅少女服b+ab首次同姆明联名出系列。服饰以简约黑、白和红色为主,配合《小肥肥一族》入面嘅角色车花图案及细节,令单品看来比起普通Print製嘅更有质感,当中角色除咗有姆明外,重有科妮、阿美同埋史力奇,Fans必买。

潮平追卡通潮物 童真未泯!

白×彩色人物图案缀珠片花卉图案蝴蝶结袖TeeMOP 379

潮平追卡通潮物 童真未泯!

蓝色人物图案牛仔吊带裙连白色TeeMOP 899

太空对战SPRAYGROUND×宾尼兔家族

继Marvel、海绵宝宝同埋忍者龟之后,美国背囊潮牌SPRAYGROUND今夏嘅联乘就轮到宾尼兔家族。是次推出的背囊名为「Spacejam Good VSEvil 」,以太空为主题,由极受欢迎的宾尼兔家族及游戏Smash Up邪恶人物对叠。另外,背囊上亦缀有品牌最标识嘅飞翼,切合飞上太空的概念,而且更具备900D的防水功能,最适合于夏天雨季使用。

潮平追卡通潮物 童真未泯!

「Spacejam Good VS Evil」背囊HK$800

爱狗注意Cath Kidston×101斑点狗

去年年尾英国花花潮牌Cath Kidston同米奇老鼠合作,到咗今夏,就找来同为迪士尼的101斑点狗为主角,令一众爱狗人士双眼发光!此系列以故事中的主角Pongo、Perdita 和牠们的可爱小狗为肖像设计,结合 Cath Kidston嘅经典印花图案,当中包括背囊、手袋及家品等等。不过澳门专门店并未引入,想买就要到香港店或于官网购买了。联乘系列将于5月27日正式上架。

潮平追卡通潮物 童真未泯!

红×白色狗狗图案童装背囊HK$390

潮平追卡通潮物 童真未泯!

黑×白色狗狗波点图案Tote bagHK$790

运动米奇izzue×米奇老鼠

米奇老鼠联名嘅嘢都必大卖似乎係预料到嘅事,而与b+ab同样为i.t旗下嘅izzue今夏就再次同米奇老鼠合作,今次主题为「运动风」,同样以黑、白和红色为主调,将户外感融入运动服中。当中採用了反光Print章作设计亮点,配合阔身剪裁,注入Street fashion风格好有板仔味,男女装同样兼备。

潮平追卡通潮物 童真未泯!

黑色米奇口袋男装TeeMOP 439

潮平追卡通潮物 童真未泯!

红色半脸米奇TeeMOP 396